തരംഗമാവാന്‍ KALQ കീബോഡ് എത്തി

QWERTY ( ക്വിവെര്‍ട്ടി )കീബോര്‍ഡുകളെക്കാള്‍ വേഗത്തില്‍ ടൈപ് ചെയ്യാന്‍ സാധിക്കുന്ന കാല്‍ഖ് ( KALQ ) കീബോര്‍ഡ് ഗൂഗിള്‍ പ്ലേസ്റ്റോറില്‍ എത്തി .

തള്ളവിരല്‍ ഉപയോഗിച്ച് വേഗത്തില്‍ ടൈപ് ചെയ്യുന്നതിന് ക്വിവെര്‍ട്ടി കീബോര്‍ഡ് പര്യാപ്തമല്ലെന്ന തിരിച്ചറിവില്‍ നിന്നാണ് ഇതിനു ഇണങ്ങിയ പുതിയ കീബോര്‍ഡ് ലേഔട്ടിനെ കുറിച്ചു ഗവേഷകര്‍ ആലോചിച്ചത് . മൊബൈല്‍ ഡിവൈസുകളില്‍ ക്വിവെര്‍ട്ടി ഉപയോഗിച്ച് മിനുട്ടില്‍ 20 വാക്കുകളാണ് പരമാവധി ടൈപ് ചെയ്യാനാവുക , പുതിയ ലെ ഔട്ട്‌ ഉപയോഗിച്ചാല്‍ 37 വാക്കുകള്‍ വരെ ടൈപ് ചെയ്യാനാവുമെന്ന് ഗവേഷകര്‍ അവകാശപ്പെടുന്നുണ്ട് .  മൊണ്ടാന ടെക് , സെന്റ്‌ ആന്‍ഡ്ര്യൂസ് യൂനിവേഴ്സിറ്റികളിലെയും മാക്സ്പ്ലാങ്ക് ഇന്‍സ്റ്റിട്ട്യൂറ്റ് ഫോര്‍ ഇന്ഫൊര്‍മാറ്റിക്സിലെയും ഗവേഷകരാണ് കാല്‍ഖ് ലെഔട്ട്‌ കണ്ടെത്തിയത് .

ടച്ച് സ്ക്രീന്‍ ഡിവൈസുകളില്‍ ക്വിവെര്‍ട്ടി കീബോര്‍ഡിനെക്കാള്‍ 34 ശതമാനം വേഗത്തില്‍ ടൈപ് ചെയ്യാന്‍ കാല്‍ഖ് സഹായിക്കും .

കാല്‍ഖ് കീബോര്‍ഡ് ഡൌണ്‍ലോഡ് ചെയ്യാന്‍ താഴെ ലിങ്കില്‍ ക്ലിക്ക് ചെയ്തു പ്ലേ സ്റ്റോറില്‍ നിന്നും ഡൌണ്‍ലോഡ് ചെയ്യാം .
ഇവിടെ ക്ലിക്ക് ചെയ്യുക

ഇന്‍സ്റ്റാള്‍ ചെയ്തതിനു ശേഷം കാല്‍ഖ് കീബോര്‍ഡ് സെലെക്റ്റ് ചെയ്യണം , അതിനായി താഴെ പറയുന്ന രീതിയില്‍ ചെയ്യാം .

Android Ginger Bread 2.3 വേര്‍ഷന്‍ :
SETTINGS > LANGUAGE & KEYBOARD > KEYBOARD SETTINGS > SELECT KEYBOARD > SELECT INPUT METHOD > Change KEYBOARD

Android ICS 4.0 വേര്‍ഷന്‍ :
SETTINGS > LANGUAGE & INPUT > KEYBOARD AND INPUT METHODS > SELECT KALQ KEYBOARD > DEFAULT > Change KEYBOARD

തുടര്‍ന്നു വായിക്കൂ »

ഗ്യാലക്സി ഗ്രാന്റുമായി സാംസങ്

 ( മാര്‍ച്ച് ലക്കം ഇ മഷി  ഓണ്‍ലൈന്‍ മാസികയില്‍ വന്ന ലേഖനം )

മൊബൈല്‍ ഫോണ്‍ രംഗത്ത് സംസങ്ങിനെ മുന്‍പന്തിയിലേക്ക് എത്തിച്ചത് ഗ്യാലെക്സി ശ്രേണിയുള്ള ഫോണുകളായിരുന്നു , ഗ്യാലക്സിയുടെ പുതിയ ഫോണ്‍ ആയ ഗ്രാന്‍റ് ( i 9080 ) ആണ് നമ്മള്‍ പരിചയപ്പെടുന്നത് . മിനി സിം ഉപയോഗിക്കാവുന്ന ഈ ഫോണിന് 162 ഗ്രാം ആണ് ഭാരം .  വയര്‍ലെസ്സും ഹൈ സ്പീഡ് ബ്ലൂടൂത്തും ലഭിക്കുന്ന  ഈ ഫോണില്‍ 3G യില്‍ 21 Mbps വരെ ഡൌണ്‍ ലിങ്ക് വേഗതയും 5.76 Mbps വരെ അപ് ലിങ്ക് വേഗതയും കിട്ടുന്നു . 3264x2448 Pixel ഫോട്ടോയും 1080 Pixel  HD വീഡിയോയും റിക്കോര്‍ഡ് ചെയ്യാന്‍ സാധിക്കും .

സാംസങ് ഗ്യാലക്സി ഗ്രാന്‍റിന്‍റെ മറ്റു പ്രത്യേകതകള്‍ :

> അണ്ട്രോയിഡ് ജെല്ലിബീന്‍ ( v 4.1.2 )
> ഡ്യുവല്‍ കോര്‍ 1.2 GHz പ്രൊസസ്സര്‍
> 1 GB റാം
> 5 ഇഞ്ച് ഡിസ്പ്ലേ
> 8 മെഗാ പിക്സല്‍ റിയര്‍ ക്യാമറ
> 2 മെഗാ പിക്സല്‍ ഫ്രന്‍റ് ക്യാമറ
> ബാറ്ററി കപ്പാസിറ്റി 2100 mAh
> 8 GB ഇന്റേര്‍ണല്‍ ഫോണ്‍ മെമ്മറി ,  64 GB വരെ ഉള്ള എസ് ഡി കാര്ഡ്  സപ്പോര്‍ട്ട് ചെയ്യും

ഗ്രാന്‍റ് ഡ്യുവസ് ( i 9082 ) എന്ന പേരില്‍ ഡ്യുവല്‍ സിം മോഡല്‍ ജനുവരിയില്‍  വിപണിയിലെത്തിയിട്ടുണ്ട്  .

തുടര്‍ന്നു വായിക്കൂ »

4999 രൂപക്ക് ഡബിള്‍ സിം അണ്ട്രോയിഡ് ഫോണ്‍

ഇന്‍റര്‍നെറ്റ് റൂട്ടര്‍ , മോഡം എന്നിവ വില്പന കൊണ്ട് ലോകത്താകമാനം അറിയപ്പെടുന്ന കമ്പനിയായ Huawei നിര്‍മിച്ച വില കുറഞ്ഞ വിഭാഗത്തില്‍ പെടുന്ന ഫോണ്‍ ആണ് Ascend Y 210 . 3ജി യും വയര്‍ലെസ്സും ബ്ലൂടൂത്തും സപ്പോര്‍ട്ട് ചെയ്യുന്ന ഈ ഫുള്‍ ടച്ച് സ്ക്രീന്‍ ഫോണിന് 120 ഗ്രാം ഭാരം ആണുള്ളത് . 3G യില്‍ 7.2 Mbps ഡൌണ്‍ ലിങ്ക് സ്പീഡ് ലഭിക്കുന്ന ഈ ഫോണ്‍ ബൂട്ട് ചെയ്യാന്‍ 5 സെക്കന്‍ഡ് മതിയാവും . വൈഫൈ ഹോട്സ്പോട്ട് ആയും ഈ ഫോണ്‍ ഉപയോഗിക്കാം . 

Huawei Ascend Y 210 ന്റെ സവിഷേശതകള്‍ :


> അണ്ട്രോയിഡ്  ജിഞ്ചര്‍ബ്രെഡ് ( v 2.3 )
> 1 GHz ARM Cortex A5 പ്രൊസസ്സര്‍
> 256 MB റാം
> 3.5 ഇഞ്ച് ഡിസ്പ്ലേ ( 320x480 )
> 2 മെഗാ പിക്സല്‍ റിയര്‍ ക്യാമറ
>  ബാറ്ററി കപ്പാസിറ്റി 1700 mAh
> 512 MB ഇന്റേര്‍ണല്‍ ഫോണ്‍ മെമ്മറി ,  32 GB വരെ ഉള്ള എസ് ഡി കാര്ഡ്  സപ്പോര്‍ട്ട് ചെയ്യും

Y 210 D  എന്ന ഡ്യുവല്‍ സിം ( GSM + GSM /WCDMA )ഇടാവുന്ന മോഡല്‍ ആണ് ഇന്ത്യയില്‍  വിപണിയിലെത്തിയിട്ടുള്ളത് . ഈ ഫോണിന് 4999 രൂപയാണ് വില . ഇവിടെ ക്ലിക്ക് ചെയ്താല്‍ ഓണ്‍ലൈന്‍ ആയി ബുക്ക് ചെയ്യാം .

തുടര്‍ന്നു വായിക്കൂ »

ഹ്വാവേയുടെ വയര്‍ലെസ്സ് മോഡെം റൂട്ടര്‍

(ഫെബ്രുവരി ലക്കം ഇ മഷി  ഓണ്‍ലൈന്‍ മാസികയില്‍ വന്ന ലേഖനം )

ലോകത്തെ ഏറ്റവും വലിയ ടെലികമ്മ്യൂണിക്കേഷന്‍ നിര്‍മ്മാണ കമ്പനിയായ ഹ്വാവേ യു എസ് ബി മോഡെം , വയര്‍ലെസ്സ് മോഡെം , മൊബൈല്‍ ഫോണുകള്‍ തുടങ്ങി നിരവധി ഉപകരണങ്ങള്‍ പുറത്തിറക്കുന്നുണ്ട് . മിക്ക രാജ്യങ്ങളിലേയും ടെലികോം കമ്പനികളും  ഈ ഉപകരണങ്ങള്‍ വാങ്ങി അവരുടെ ഉപഭോക്താക്കളിലേക്ക് എത്തിക്കുന്നുണ്ട് .

             ഹ്വാവേ കമ്പനി പുറത്തിറക്കിയ വയര്‍ലെസ്സ് മോഡെം റൂട്ടര്‍ ബി 683 നെ പറ്റിയാണ് ഇവിടെ വിവരിക്കുന്നത് .ത്രീ ജി HSPA + ല്‍  ( High Speed ​​Packet Access Plus) 28.8 Mbit/s ഡൌണ്‍ലിങ്ക് സ്പീഡും 5.76 Mbit/s അപ് ലിങ്ക് ്പീഡും  വരെ കിട്ടുന്ന ഈ മോഡെം HSPA (High speed packet access) ല്‍ 7.2 Mbit/s ഡൌണ്‍ലിങ്ക്  സ്പീഡും 5.76Mbit/sഅപ് ലിങ്ക്  സ്പീഡും  , WCDMA യില്‍ 384 Kbit/s , എഡ്ജ് (EDGE)ല്‍ 236.8Kbit/s , GPRS ല്‍ 85.6Kbit/s  എന്നിങ്ങനെ വാഗ്ദാനം ചെയ്യുന്നു . 

                 സിം കാര്‍ഡ് ഇട്ട് തന്നെ ഉപയോഗിക്കാവുന്ന ഈ മോഡെം ഒരു വയര്‍ലെസ്സ് റൂട്ടര്‍ കൂടി ആണ് , 32 ഉപകരണങ്ങളിലേക്ക് ( മൊബൈല്‍ , ലാപ്ടോപ്പ് തുടങ്ങിയ) ഒരേ സമയം വയര്‍ലെസ്സ് വഴി കണക്ട് ചെയ്യാനും ഈ മോഡത്തില്‍ കഴിയും . ഒരു യു എസ് ബി പോര്‍ട്ടും ഒപ്പം നാല് ലാന്‍ (LAN)പോര്‍ട്ടും ഈ മോഡത്തില്‍ ഉണ്ട് .

             മൊബൈല്‍ സേവന ദാതാക്കള്‍ മികച്ച സ്പീഡ് ഉള്ള സേവനം നല്‍കുന്നുണ്ടെങ്കില്‍ മാത്രമേ ഈ മോഡവും സ്പീഡ് നല്‍കൂ എന്ന കാര്യവും ഓര്‍ക്കണേ .

തുടര്‍ന്നു വായിക്കൂ »

സാംസങ്ങിന്റെ ഗ്യാലക്സി s4 വരുന്നു

മൊബൈല്‍ ഫോണ്‍ രംഗത്ത് സാംസങ്ങിനെ മികച്ച സ്ഥാനത്തേക്ക് കൊണ്ട് വന്നത് ഗ്യാലക്‌സി ശ്രേണിയിലുള്ള ഫോണുകളായിരുന്നു. ഗ്യാലക്‌സി എസ് 2 ചരിത്ര വിജയം നേടിയപ്പോള്‍ സാംസങ്ങ് മൊബൈല്‍ ഫോണ്‍ രംഗത്ത് അവരുടെ ആധിപത്യം ഉറപ്പിക്കുന്ന കാഴ്ചയാണ് നാം കണ്ടത്. പിന്നാലേ വന്ന ടാബും എസ് 3 യും വില്‍പനയില്‍ വന്‍ മുന്നേറ്റം ആണ് കൈവരിച്ചത്.

ഗ്യാലക്‌സി എസ് 3 വില്‍പന നവംബറില്‍ മൂന്ന് കോടി കടന്നിരുന്നു. നോട്ട് രണ്ട് വിപണിയിലിറങ്ങി രണ്ടുമാസത്തിനകം 50 ലക്ഷം എണ്ണം വിറ്റു. ഈ സാമ്പത്തിക വര്‍ഷത്തിന്റെ മൂന്നാം പാദത്തില്‍ എസ് 3 ആപ്പിളിന്റെ ഐ ഫോണ്‍ 4 എസിനെ കടത്തിവെട്ടി. 1.8 കോടി എസ് 3 വിറ്റപ്പോള്‍ ഐ ഫോണ്‍ 1.62 കോടിയാണ് വിറ്റത്. എസ് 3യുടെ 4.8 ഇഞ്ച് ടച്ച്‌സ്‌ക്രീന്‍ സാംസങ്ങിനെ ജൂലൈ സെപ്റ്റംബര്‍ പാദത്തില്‍ 73 കോടി ഡോളര്‍ പ്രവര്‍ത്തനലാഭം നേടാന്‍ സഹായിച്ചിരുന്നു. എന്നാല്‍ നവംബര്‍ അവസാനം എസ് 3യെ മറികടന്ന് ഐഫോണ്‍ 5 വിപണിയില്‍ മേല്‍ക്കൈ നേടിയെങ്കിലും വൈകാതെ സാംസങ് മൊബൈല്‍ ഫോണ്‍ രംഗത്ത് ഒന്നാമനാവും എന്ന നിലയിലേക്കാണ് ഇപ്പോള്‍ കാര്യങ്ങള്‍ നീങ്ങുന്നത് .

ഗ്യാലക്‌സി ശ്രേണിയില്‍ തന്നെ സാംസങ്ങിന്റെ ഏറ്റവും പുതിയ ഫോണ്‍ ആയി ഇനി വരാനുള്ളത് എസ് 4 ആണ്. ജനുവരി എട്ട് മുതല്‍ 11 വരെ നടക്കുന്ന കണ്‍സ്യൂമര്‍ ഇലക്ട്രോണിക്‌സ് ഷോയില്‍ (സി.ഇ.എസ്) പ്രദര്‍ശിപ്പിച്ചേക്കും. ഇതേവര്‍ഷം ഫെബ്രുവരി 25 മുതല്‍ 28 വരെ സ്‌പെയിനിലെ ബാഴ്‌സലോണയില്‍ നടക്കുന്ന മൊബൈല്‍ വേള്‍ഡ് കോണ്‍ഗ്രസിലും എസ് 4 പ്രദര്‍ശിപ്പിക്കും. മിക്കവാറും 2013 മാര്‍ച്ചിലോ അല്ലെങ്കില്‍ ഏപ്രിലിലോ എസ് 4 രംഗപ്രവേശം ചെയ്യുമെന്നാണ് കരുതപ്പെടുന്നത് . 4.99 ഇഞ്ച് ഡിസ്പ്‌ളേയാകും എസ് 4നുണ്ടാകുക എന്നാണ് കരുതപ്പെടുന്നത്.

പ്രത്യേകതകള്‍

13 മെഗാപിക്സല്‍ ക്യാമറ, ഫുള്‍ എച്ച്.ഡി വീഡിയോ റെക്കോര്‍ഡിങ്, 1920* 1080 പിക്സല്‍ ഫുള്‍ എച്ച്.ഡി റസല്യൂഷന്‍, ഒരിഞ്ചില്‍ 441 പിക്സലുള്ള സൂപ്പര്‍ അമോലെഡ് സ്ക്രീന്‍, പോറല്‍ വീഴാത്ത കോണിങ് ഗൊറില്ല ഗ്ളാസ് രണ്ട്, 64 ജി.ബി വരെ മെമ്മറി കാര്‍ഡിടാവുന്ന സ്ളോട്ട്, എക്സൈനോസ് 5450 നാല് കോര്‍ രണ്ട് ജിഗാ ഹെര്‍ട്സ് പ്രോസസര്‍, രണ്ട് ജി.ബി റാം, പുതിയ ആന്‍ഡ്രോയിഡ് 4.2 ജെല്ലിബീന്‍ ഓപറേറ്റിങ് സിസ്റ്റം, 2 ജി, 3ജി,  4 ജി എല്‍.ടി.ഇ എന്നിവയും എസ് 4 ഇല്‍ ഉണ്ടാകുമെന്നാണ് സൂചന.

തുടര്‍ന്നു വായിക്കൂ »

ഫെയ്സ്ബുക്ക് ഇനി സ്കൈപ്പിലും

ലോകത്താകമാനം 650 മില്ല്യണ്‍ ഉപയോക്താക്കളുള്ള സ്കൈപ്പ് പുതിയ വേര്‍ഷനുമായി രംഗത്തെത്തി . 

ലോകമെമ്പാടുമുള്ള സ്കൈപ്പ്  ഉപയോക്താക്കള്‍ക്ക് ഇനി മുതല്‍ ഫെയ്സ്ബുക്ക് സുഹൃത്തുക്കളുമായി സ്കൈപ്പ് മെസ്സെഞ്ചേറില്‍ നിന്നു വീഡിയോ കാള്‍ ചെയ്യാനും , ഓഡിയോ കാള്‍ ചെയ്യാനും ഇതില്‍ കഴിയും , കൂടാതെ സുഹൃത്തുക്കളുടെ അപ്ഡേറ്റുകള്‍ കാണാനും ലൈക്കും കമ്മേന്‍റും ചെയ്യാനും കഴിയുന്ന  രീതിയില്‍ ഉള്ളതാണ് പുതിയ വേര്‍ഷന്‍ .

വേര്‍ഷന്‍ 6.0.60.126 തീര്‍ച്ചയായും സ്കൈപ്പ് ഉപയോഗിയ്ക്കുന്ന എന്നാല്‍ ഫെയ്സ്ബുക്ക് ബ്ളോക്ക് ചെയ്ത ഒഫ്ഫീസുകളിലെ ആളുകള്‍ക്ക് ഒരു അനുഗ്രഹം തന്നെ ആയിരിയ്ക്കും . 

ഈ വേര്‍ഷന്‍ ഡൌണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക . 

ഈ സോഫ്റ്റ് വെയര്‍ ഡൌണ്‍ലോഡ് ചെയ്തു ഇന്സ്റ്റാള് ചെയ്താല്‍ വരുന്ന വിന്‍ഡോയില്‍ നിങ്ങളുടെ ഫെയ്സ്ബുക്ക് യൂസര്നെയിമും പാസ്സ് വേര്‍ടും കൊടുത്ത് സൈന്‍ ഇന്‍ ചെയുക . അപ്പോള്‍ നിങ്ങളുടെ അക്കൌണ്ട് ഓപ്പണ്‍ ആയി വരും . ഇനി ഇതിന്റെ സവിശേഷതകള്‍ നമുക്ക് നോക്കാം . 

ഇനി താഴെ ചിത്രത്തില്‍ കാണുന്ന ചുവന്ന ആടയാളം ഉള്ള ഭാഗത്ത് നിന്നു നമ്മുടെ കോണ്‍ടാക്റ്റ് ഏതാണ് വേണ്ടത് എന്നു നമുക്ക്  സെലെക്റ്റ് ചെയ്യാം .

താഴെ ചിത്രത്തില്‍ കാണുന്ന ചുവന്ന അടയാളപ്പെടുത്തിയ കോളത്തില്‍ നമുക്ക് നമ്മുടെ സ്റ്റാറ്റസ് അപ്ഡേറ്റ് ചെയ്യാം .

താഴെ കാണുന്ന ഫോട്ടോയില്‍ ചുവന്ന വരയില്‍ ഉള്ളതാണ് ഓണ്‍ലൈനില്‍ ഉള്ള നമ്മുടെ സുഹൃത്തുക്കള്‍ , അതില്‍ ക്ലിക്ക് ചെയ്താല്‍ സ്കൈപ്പില്‍ കാള്‍ ചെയ്യുന്ന പോലെ തന്നെ നമുക്ക് കാള്‍ ചെയ്യാന്‍ കഴിയും 

ഇനി കാണുന്ന രണ്ടു ബട്ടണുകളില്‍ ആദ്യത്തേത് ലൈക് ബട്ടനും രണ്ടാമത്തേത് കമെന്‍റ് ബട്ടനും ആണ് , കമ്മന്‍റ് ബട്ടണില്‍  ക്ലിക്ക് ചെയ്താല്‍ കമ്മന്‍റ് ടൈപ്പ് ചെയ്യാനുള്ള ബോക്സ് വരും .

ഓണ്‍ലൈനില്‍ ഉള്ള സുഹൃത്തുക്കളുടെ പേരിനു നേരെ വരുമ്പോള്‍ വീഡിയോ കാള്‍ ബട്ടണ്‍ വരും , അതിലോടെയും വീഡിയോ കാള്‍ ചെയ്യാം . 

സ്കൈപ്പിനെ മൈക്രോസോഫ്റ്റ്  850 കോടി അമേരിക്കന്‍ ഡോളെറിന് സ്വന്തമാക്കിയത് ഏതാനും മാസം മുമ്പാണ്  എന്നത് അറിഞ്ഞിരിക്കേണ്ട മറ്റൊരു കാര്യം തന്നെ ആണ് .

തുടര്‍ന്നു വായിക്കൂ »